Building Business. Enriching Lives.

மேற்பார்வையுடனான அணுகக்கூடிய இணையதள பணித்திட்டம்

கனடாவின் மேற்பார்வையுடனான அணுகக்கூடிய சேவைகளின் இணையதளம், (Supervised Access Website) சோஷல் என்டப்பிரைஸுக்கு (சமூக நிறுவனத்திற்கு) நல்வரவு



எங்களது மேற்பார்வையுடனான அணுகக்கூடிய மையங்கள் (Supervised Access Centres) பிரியும் அல்லது விவாகரத்துப் பெறும் குடும்பத்தினருக்கு சந்திப்புகளை அல்லது பரிமாற்றங்களை இலகுவாக்குகின்றன.
Our Supervised Access Centres facilitate visits or exchanges for families who are separating or divorcing.


பயிற்சி பெற்ற பணியாட்கள் மற்றும் தன்னார்வத் தொண்டர்களின் மேற்பார்வையின் கீழ், எங்கள் அணுகக்கூடிய மையங்கள் முழுமையாக மேற்பார்வை செய்யப்பட்ட, வளாக சந்திப்புகளை ஒரு குழு அமைப்பாக வழங்குகின்றன மற்றும் வளாகத்திற்கு வெளியே நடைபெறும்போது மேற்பார்வையுடன்கூடிய பரிமாற்றங்களை வழங்குகின்றன.

 எங்கள் மேற்பார்வையுடனான அணுகக்கூடிய சேவை, மூன்று சந்திப்புகள் அல்லது பரிமாற்றங்களுக்கு தொழில்ரீதியாகத் திறமைபெற்ற ஒரு மொழிபெயர்ப்பாளரை வழங்கும். ஆனால் மேலதிக சந்திப்புகள் அல்லது பரிமாற்றங்களுக்கு மொழிபெயர்ப்பாளர்களுக்கு எங்களால் கட்டணம் கொடுக்க முடியாது. மேலதிக சந்திப்புகள் அல்லது பரிமாற்றங்களுக்கு மொழிபெயர்ப்பாளருக்கான கட்டணத்தைப் பெற்றோரில் ஒருவர் செலுத்தவேண்டும்.

உபயோகப்படுத்தப்படும் மொழி ஆங்கிலமானால் அல்லது தொழில்ரீதியாகத் திறமை பெற்ற ஒரு மொழிபெயர்ப்பாளர் அங்கிருந்தால் மட்டுமே எங்களால் சந்திப்புக்களை அல்லது பரிமாற்றங்களை மேற்பார்வை செய்யமுடியும்.

ஒன்டாரியோவின் சட்டத் தலைமை அலுவலர் (அட்டோர்னி ஜெனரல்) அமைச்சினால் நிதியுதவி செய்யப்படுவதை நாங்கள் நன்றியுடன் ஏற்றுக்கொள்கிறோம்.


 

SEC யின் மேற்பார்வையுடனான அணுகக்கூடிய சேவைகள் (Supervised Access Services) பற்றியவை
About SEC's Supervised Access Services



நாங்கள் என்ன செய்கிறோம்
What We Do

எமது மேற்பார்வையுடனான அணுகக்கூடிய மையங்கள் பிரிந்து வாழும் மற்றும் அந்த நிலைமையைச் சமாளிக்கப் பழகும் கடினமான காலங்களில் பிள்ளைகள் மற்றும் அவர்களது குடும்பத்தினருக்கு உதவி செய்கிறார்கள்.

பிள்ளைகள் மற்றும் அவர்களைச் சந்திக்கவரும் பெற்றோர்கள் அல்லது உறவினர் குடும்பங்களுக்கிடையில் ஏற்படும் சந்திப்புகள் அல்லது பரிமாற்றங்களுக்கு ஒரு பாதுகாப்பான, பிள்ளைகளை மையமாகக் கொண்ட, நடுநிலையான சூழலை நாங்கள் வழங்குவோம். எமது மேற்பார்வையாளர்கள், பணியாட்கள், மற்றும் தன்னார்வத் தொண்டர்கள் நன்கு பயிற்றுவிக்கப்பட்டவர்கள் மற்றும் பாரபட்சமற்றவர்கள்.


எமது குறிக்கோள்
Our Goal

வரவேற்பளிக்கும் இடங்களில் பாதுகாப்போடு, பெற்றோரின் சச்சரவுகளிலிருந்து அகற்றப்பட்டு வசிக்கும் தங்கள் பிள்ளைகளுடன் உறவைக் கட்டியெழுப்ப அல்லது திரும்பக் கட்டியெழுப்ப பெற்றோருக்கு வாய்ப்பை அளிப்பதுதான் எமது குறிக்கோள்.
 

எங்கள் பயணம்
Our Journey

1992 முதல், சட்டத் தலைமை அலுவலர் அமைச்சினால் நிதி உதவி வழங்கப்பட்ட, மேற்பார்வையுடனான அணுகக்கூடிய மையங்களின் பரிட்சாத்தத் திட்டத்தில் (பைலட் புரோஜெக்ட்) நாங்கள் ஆரம்பத்தில் பங்குபற்றியதிலிருந்து, கனடா சோஷல் என்டப்ரைஸ், மேற்பார்வையுடனான அணுகக்கூடிய சேவைகளை வழங்கி வருகிறது.
எங்கள் மையங்களுக்கு வழிநடத்தல், பயிற்சி, ஆதரவு மற்றும் ஆலோசனைகளை அமைச்சு தொடர்ந்து வழங்குகிறது.
 

எங்கள் தத்துவம்
Our Philosophy

பிள்ளைகளுக்கே முதலிடம்; அவர்களது பாதுகாப்பு மற்றும் நல்வாழ்வை உறுதிசெய்வது தான் எங்கள் கடமை.

  • பிள்ளைகள் மற்றும் அவர்களது பெற்றோருக்கு, பாதுகாப்பான மற்றும் பத்திரமான ஒரு சந்திக்கும் இடத்தை ஏற்பாடு செய்வதுதான் எமது முதன்மையான குறிக்கோளாக இருக்கும்போதிலும் ஒவ்வொருவரும் வரவேற்கப்படுவதாக உணரக்கூடிய, பிள்ளையை மையமாகக்கொண்ட, அணுகக்கூடிய மற்றும் நட்பான ஒரு சூழலை ஏற்பாடு செய்வதற்கும் நாங்கள் முயற்சி எடுக்கிறோம்.

  • தங்கள் பெற்றோர் இருவருடனுமான உறவைப் பிள்ளைகள் விருத்திசெய்வதற்கும் அதைப் பேணுவதற்கும் உதவிசெய்யக்கூடிய பின்னணியை நாங்கள் வழங்குகிறோம்.

  • பதற்றம் அல்லது மன உளைச்சலை குறைப்பதற்கு நாங்கள் கடும் முயற்சி செய்கிறோம் மற்றும் சந்திப்புகளின்போது பெற்றோர்களின் மோதல்களில் பிள்ளைகள் உட்படாமலிருப்பதை முடிந்தளவுக்கு உறுதிப்படுத்திக்கொள்வோம்.

  • நாங்கள் குறிக்கோளுடன் பக்கசார்பற்ற சூழலைப் பேணுகின்றோம். இந்த நோக்கத்திற்காக, பணி அங்கத்தினர் இத்திட்டத்தில் பங்கேற்போரை மரியாதையுடன் நடத்தி நடுநிலை வகிப்பதோடு ஒரு பெற்றோரை விட மற்றப் பெற்றோருக்கு அதிக சலுகை காண்பிக்கமாட்டார்கள்.

  • பாதுகாப்பு கொள்கைகள் மற்றும் பாதுகாப்புக்கான நடவடிக்கைகள் திட்டமிடப்பட்டு செயற்படுத்தப்பட்டுள்ளன என்பதை பிள்ளைகள் மற்றும் அவர்களது குடும்ப அங்கத்தினர்அறியும்படி, பாதுகாப்பாக மற்றும் பத்திரமாக உணரும் சூழலை அளிப்போம்.

  • வெவ்வேறு தேவைகளுக்கேற்ற வசதிகளைச் செய்துகொடுப்பதோடு பிள்ளையின் சமுதாயத்தில் கலாச்சார மற்றும் இனப் பிரிவின் தேவைகளுக்கு மதிப்புக்கொடுப்போம். எங்கள் மொழிபெயர்ப்புச் சேவைகளைப் பற்றி மேலதிக தகவல்களைப் பெற்றுக்கொள்ள, தயவுசெய்து இங்கே சொடுக்கவும்.

  • இறுதியாக, நாங்கள் அடிப்படைக் கோட்பாடுகளைக் கடைப்பிடிப்போம் மற்றும் ஒன்டாரியோ ஒழுங்கு 429/07, நுகர்வோர் சேவைக்கான ஒன்டாரியோவின் அணுகக்கூடிய சட்டங்கள் மற்றும் தராதரங்களுக்கான வழிகாட்டி (கைட் டு த அக்ஸஸ்ஸிபிலிட்டி லோஸ் அன்ட் ஸ்டான்டட்ஸ் ஃபோர் கஸ்டமர் சேர்விஸ்) க்கு இணையான பாதையில் இருப்போம். மேலதிக விபரங்களுக்கு www.accesson.ca ஐச் சொடுக்கவும்.

     

எங்கள் நிறுவனம்
Our Organization

யோக் பிராந்திய மற்றும் பீல் பிராந்தியத்திலுள்ள மேற்பார்வையுடனான அணுகக்கூடிய சேவைகள், கனடாவுக்கான சோஷல் என்டப்பிரைஸ் (SEC) இனால் வழங்கப்படுகின்றன. இது சமுதாய அடிப்படையிலான, ஆதாய நோக்கமற்ற, பதிவு செய்யப்பட்ட ஒரு தொண்டு நிறுவனமாகும்.

எமது மேற்பார்வையுடனான அணுகக்கூடிய சேவைகளின் குழுக்கள், தொழில் ரீதியான பணியாட்கள், பயிற்சியாளர்கள், மற்றும் தன்னார்வத் தொண்டர்களைக் கொண்டிருக்கின்றன.
நிர்வாக உதவியாளர், இத்திட்டம் தொடர்பான கேள்விகள், அதனுடைய சேவைகள், விண்ணப்பப் படிமுறை, தகுதி நிர்ணயித்தல் என்பன சம்பந்தமான பொதுவான கேள்விகளுக்குப் பதிலளிப்பார் மற்றும் இத்திட்டத்தில் இதுவரை பதிவு செய்திராத வாடிக்கையாளருக்கு முதற் தொடர்பிலேயே ஏற்பாடுகளைச் செய்வார். திங்கள் முதல் வெள்ளி வரை, காலை 8:30 முதல் மாலை 4:30 வரை எமது நிர்வாக உதவியாளரின் சேவை கிடைக்கப் பெறும்.
வளாகக் கண்காணிப்பாளர்கள் சந்திப்புகள் /அல்லது பரிமாற்றங்களை மேற்பார்வை செய்வார்கள்; குறிப்பு எடுப்பார்கள் மற்றும் தேவைப்பட்டால் இடையில் தலையிடுவார்கள்.

எங்கள் திட்ட ஒருங்கிணைப்பாளர்கள் (யோக்குக்கு ஒருவர் மற்றும் பீலுக்கு ஒருவர்) திட்டத்தில் உறுப்பினராகச் சேர்ந்த பெற்றோர்களை பேட்டி காண்பது மற்றும் குடும்பத் தகவலை வழங்குவது உட்பட முதன்மைச் சந்திப்பு நபராக செயற்படுவார்கள். அவர்கள் வளாக கண்காணிப்பாளர்களுக்குப் பொறுப்புள்ளவர்களாயிருந்து, அவர்களுக்கு பயிற்சியையும் கல்வியையும் அளிப்பார்கள்.

திட்டத்தின் தலைமை நிர்வாகி செயற்பாடு, நிதி, நிர்வாகம், பணியாளர்களைப் பயிற்றுவித்தல் மற்றும் முன்னேற்றம் போன்ற அம்சங்களில் எல்லா மையங்களினதும்
ஒட்டுமொத்தப் பொறுப்பை உடையவராக இருப்பார். தலைமை நிர்வாகி சட்டத் தலைமை அலுவலர் அமைச்சு உடன் ஒன்றிணைந்து, எமது சேவைகள் அமைச்சின் வழிகாட்டுதல்கள் மற்றும் கட்டளைகளுக்கு உட்படுவதை உறுதிசெய்துகொள்வார்.



மேற்பார்வையுடனான அணுகக்கூடிய (Supervised Access) சந்திப்புகளும் பரிமாற்றங்களும்
Supervised Access Visits & Exchanges


பின்வருவனவற்றிற்கு நாம் பாதுகாப்பான ஒரு சூழலை வழங்குகிறோம்:

  • பிள்ளைகள் மற்றும் அவர்களைச் சந்திக்கும் பெற்றோர்களுக்கிடையிலான அணுகக்கூடிய சந்திப்பு நேரம் இரண்டு மணி நேரம் வரை.

  • மேற்பார்வை செய்யப்படாத அணுகக்கூடிய சந்திப்புக்களுக்காக பெற்றோர் ஒருவரிடமிருந்து மற்றவருக்கு பிள்ளைகளைப் பரிமாற்றம் செய்தல்


எமது எதிர்பார்ப்புக்கள்
Our Expectations

பராமரிக்கும் (கஸ்டோடியல்) பெற்றோர்களிடமிருந்து எமது எதிர்பார்ப்புகள்

சௌகரியமாகவும் ஆசுவாசமாகவும் உணருவதற்கும் மன உளைச்சலையும் கவலைகளையும் குறைப்பதற்கும், மேற்பார்வையுடனான அணுகக்கூடிய மையத்தை உபயோகிப்பதில் பராமரிக்கும் பெற்றோர்கள் தங்கள் பிள்ளைகளுக்கு ஆதரவு கொடுக்கும்படி எதிர்பார்க்கப்படுகிறார்கள். பிள்ளைகள் சந்தோஷமாக இருப்பது, விளையாட்டுப் பொருட்களை வைத்து விளையாடி மகிழ்ச்சி காண்பது மற்றும் பெற்றோரின் சந்திப்புகளின்போது அவர்களது நடவடிக்கைகளில் பங்கு கொள்வது போன்றவற்றில் தவறேதுமில்லை என்பதை பெற்றோர் தங்கள் பிள்ளைகளுக்கு உணர்த்தவேண்டும். அணுகுதல் என்பது, எல்லாம் அவர்களது பிள்ளைகளைப் பற்றியது; பெற்றோரது ஆதரவு, அவர்களது குடும்பத்துக்கு ஒரு நேர்மறையான அனுபவத்தைக் கொடுப்பதில் பெரும் பங்கை வகிக்கும்.


சந்திக்கும் பெற்றோர்களிடமிருந்து எமது எதிர்பார்ப்புகள்

சந்திக்கும் பெற்றோர்கள் சாதக மனநிலையில் இருக்கவேண்டும் மற்றும் தங்கள் பிள்ளைகளுடன் அர்த்தமுள்ள ஒரு உறவை விருத்திசெய்ய அல்லது தக்க வைக்க அணுகக்கூடிய சேவையை உபயோகிப்பதில் தங்கள் பிள்ளைகளுடன் ஆதரவாக இருக்கவேண்டும் என நாங்கள் எதிர்பார்க்கிறோம். உங்கள் பிள்ளையுடன் எப்படியான விளையாட்டுக்கள் அல்லது நடவடிக்கைகளில் ஈடுபடுவீர்கள் என்பதை முன்கூட்டியே திட்டமிடுவது சாதகமான ஒரு சந்திப்பில் விளைவடையும்.


பிள்ளைகளிடமிருந்து எமது எதிர்பார்ப்புக்கள்

தங்கள் பெற்றோரின் சந்திப்பு அல்லது பரிமாற்றத்தில் பங்குபற்றவேண்டும் எனப் பிள்ளைகளிடம் எதிர்பார்க்கப்படுகிறது.


பணியாட்களிடமிருந்து எமது எதிர்பார்ப்புகள்

உங்களுக்கு மற்றும் உங்கள் குடும்பத்தினருக்கு தொழில்ரீதியான தரமான சேவைகளை வழங்குவதற்கு நாங்கள் உறுதிபூண்டுள்ளோம். தேவைப்பட்டால், பணியாட்கள் தலையிட்டு எல்லாச் சமயங்களிலும் பிள்ளைகளின் பாதுகாப்பு மற்றும் நல்வாழ்வை உறுதிப்படுத்திக் கொள்வார்கள். சேவையில் பங்குபற்றும் எல்லாப் பெரியவர்களின் பாதுகாப்பையும் கூட பணியாளர்கள் உறுதிப்படுத்திக்கொள்வார்கள்.


சந்திப்புகள் நீடிக்கும் காலம் மற்றும் கால அட்டவணை
Duration of Visits and Schedule

சந்திப்புக்களை இரண்டு மணி நேரங்கள்வரை ஏற்பாடு செய்ய எம்மால் இயலும். அத்தோடு குறிப்பிட்ட சந்திப்பு நேரங்களுக்கான வேண்டுகோள்களை ஏற்பாடு செய்யவும் முயற்சிப்போம்.


சூழல்
The Environment

சந்திப்புக்களை அமைக்கும்போது, பிள்ளை தன் பெற்றோருடன் செய்யும் சந்திப்பில் மாத்திரம் தான் எமது கவனத்தை ஒருமுகப்படுத்துவோம். இந்தச் சந்திப்புக்களுக்காக, பாதுகாப்பான, பத்திரமான மற்றும் சௌகரியமான ஒரு சூழலை வழங்குவதற்குத்தான் நாங்கள் முக்கியத்துவமும் முன்னுரிமையும் கொடுக்கிறோம். எனவே, பெற்றோர்கள் பின்வருவனவற்றை அவதானிக்கும்போது ஆச்சரியப்படக்கூடாது:

  • ஒரு குழு அமைப்பின் பாகமாக, தங்கள் நடவடிக்கைகளை மகிழ்ந்தனுபவிப்பதற்கு ஒவ்வொரு குடும்பத்தினருக்கும் சொந்த இடம் இருக்கும்.

  • பராமரிக்கும் மற்றும் சந்திக்கும் பெற்றோர்களுக்கிடையே தொடர்பைத் தவிர்க்கும் விதத்தில், வருகை மற்றும் புறப்படும் நேரங்கள் சரி செய்யப்பட்டுள்ளன.

  • எல்லாச் சமயங்களிலும் கதவுகள் தாளிடப்பட்டிருக்கும். எமது பணியாட்கள் கதவைத் திறந்து பெற்றோர்களை வரவேற்கும்படி கேட்கப்படுவார்கள்.

  • பணியாட்களால் எல்லாப் பைகளும் பொதிகளும் பரிசோதிக்கப்படும்.

  • ஓடியோ அல்லது வீடியோ பதிவுசெய்யும் கருவிகள், டிஜிட்டல் கமராக்கள், செல்ஃபோன்கள், பேஜர்கள் மற்றும் வேறு வகையான எலெக்ரோனிக் கருவிகள் சந்திப்பு அறையில் அனுமதிக்கப்படமாட்டா.

  • வளாக கண்காணிப்பாளர் சந்திப்புக்களைக் கண்காணிப்பார்; குறிப்புகள் எடுப்பார் மற்றும் தேவைப்பட்டால் தலையிடுவார்.

  • சந்திக்கும் பெற்றோர்கள் சந்திப்பு நேரம் தொடங்குவதற்கு 15 நிமிடங்கள் முன்னாதாக வருகை தரும்படியும் சந்திப்பு நேரம் முடிவடைந்த பின்னர் 15 நிமிடங்களில் வெளியேறும்படியும் எதிர்பார்க்கப்படுகிறார்கள்.

  • சட்டத் தலைமை அலுவலர் அமைச்சினால் ஸ்தாபிக்கப்பட்ட வழிகாட்டி, குறைந்த பட்சம் 2 பணியாட்கள் சந்திப்பு நேரம் முழுவதும் அங்கிருக்கும்படி குறிப்பிடுகிறது மற்றும் சந்திக்க வரும் 2 குடும்பங்களுக்கு 1 பணியாளர் என்ற விகிதத்தை சிபாரிசு செய்கிறது.

     

பாதுகாப்பு நடவடிக்கைகள்
Safety Measures

பங்குபற்றுபவர்கள் எல்லோருக்கும் பாதுகாப்பு மற்றும் பத்திரமான ஒரு சூழலை உறுதி செய்வதற்காக, புதிய வாடிக்கையாளருக்கு அங்கீகாரம் கொடுப்பதற்கு முன்பாக போதியளவு இடவசதி மற்றும் தேவையான மூலவளங்களை மையம் கட்டாயமாகக் கொண்டிருக்கவேண்டும்.


பாதுகாப்பு நடவடிக்கைகள் பின்வருவனவற்றை உட்படுத்துவதோடு, இன்னுமதிகத்தையும் உட்படுத்தலாம்:

  • இறக்கி விடுதல் மற்றும் அழைத்துச் செல்லும் நேரங்களில் ஏற்றத் தாழ்வுகள்.

  • வாடிக்கையாளரின் வருகை மற்றும் புறப்படுதலை பணியாளர் மற்றும் /அல்லது தன்னார்வத் தொண்டர்கள் மேற்பார்வை செய்தல்.

  • சந்திப்பு நேரங்கள் முழுவதும் பிள்ளைகள், பணியாளர் மற்றும் /அல்லது தன்னார்வத் தொண்டர்களால் கண்காணிக்கப்படுதல்.
  • வெளியே விளையாடும் இடம் இருக்குமானால், எப்போதும் சுற்றியடைக்கப்பட்டிருக்கும் மற்றும் வளாகத்துடன் நேரடியாக இணைக்கப்பட்டிருக்கும்.

  • உள்ளூர் பொலிஸ் (காவலர்) உடன் பணியாளர்களுக்கு நெருங்கிய தொடர்பு.

  • பணி தொடங்குவதற்கு முன்னர் எப்போதும் தன்னார்வத் தொண்டர் மற்றும் பணியாட்களுக்கு பாதுகாப்புக்கான சோதனைகள்.

  • முதலுதவி மற்றும் CPR (வாய்வழி சுவாசத் தூண்டுதல்) என்பனவற்றில் பயிற்சி பெற்ற பணியாட்கள்.

  • எல்லா நிலையங்களிலும் முதலுதவிப் பெட்டி கிடைக்கும்.
     


அமைந்துள்ள இடங்கள் மற்றும் செயற்படும் நேரங்கள்
Locations and Hours of Operation


 நீங்கள் தெரிவு செய்யும் அல்லது உங்கள் நீதிமன்ற ஆணையில் குறிப்பிடப்பட்ட இடங்களில் சந்திப்புகள் அல்லது பரிமாற்றங்களை அமைக்க நாங்கள் முயற்சி செய்வோம்.

 

விடுமுறை நாட்கள் மற்றும் ஓய்வு நாட்கள் காரணமாக மையங்கள் மூடப்பட்டிருக்கும்
Centre Closures due to Holidays and Vacation

விடுமுறையுடன் வரும் வார இறுதி நாட்கள் மற்றும் கோடைகாலத்தில் விடுமுறைக்காக மூன்று வாரங்கள் எமது மையங்கள் மூடப்பட்டிருக்கும். பின்வரும் தினங்களில் எமது மையங்கள் மூடப்பட்டிருக்கும்:

  • ஈஸ்டர் வார இறுதிநாட்கள்
  • விக்டோரியா தினம் வார இறுதி நாட்கள்
  • கனடா தினம்
  • நகரசபைக்குரிய (சிவிக்) தினம்
  • தொழிலாளர் (லேபர் ) தினம்
  • நன்றி செலுத்தும் (தாங்க்ஸ் கிவ்விங்) தினம்
  • நத்தார் (கிறிஸ்மஸ்) விடுமுறை
  • புது வருட விடுமுறை
  • குடும்பத்தினர் (ஃபமிலி) தினம்

 
அணுகக்கூடிய சேவைக்காக (Access Service) எப்படி விண்ணப்பிப்பது
How to Apply for Access Service

  • பரிந்துரை செயற்பாட்டைத் தொடங்குவதற்கு முன்னர், எமது நிர்வாக உதவியாளரை எமது இலவசத் தொலைபேசி எண் 1-866-243-9925, விரிவிலக்கம் 5307 இல் அழைக்கவும். இதன் மூலம் எமது சேவைகளைப் பற்றிக் கேள்விகள் கேட்க மற்றும் அனுமதிக்கான (இன்டேக்) செயற்பாடுகளைப் பற்றிய தகவல்களைப் பெற்றுக்கொள்ள உங்களுக்குச் சந்தர்ப்பம் தரப்படும்.

  • நேரடியாக அல்லது ஒரு பரிந்துரை மூலம், ஒரு பெற்றாரின் வழக்கறிஞர், ஒரு நீதிபதி அல்லது பிள்ளைகளின் வழக்கறிஞர் அலுவலகம் (OCL) மூலம் நீங்கள் சேவைக்கான வேண்டுகோள் விடுக்கும்போது விண்ணப்பச் செயற்பாடு தொடங்கும்.

  • பரிந்துரைகள், நீதிமன்ற ஆணையின் பிரதி அல்லது ஒப்பந்தத்தின் கையெழுத்திடப்பட்ட கடிதத்தியை கொண்டிருக்கவேண்டும். இது 905-953-8241 இலுள்ள எமது நிர்வாக உதவியாளருக்கு தொலைநகல் செய்யப்படவேண்டும்.

  • நீதிமன்ற ஆணை அல்லது ஒப்பந்தக் கடிதம் (பெற்றோர் இருவராலும் கையொப்பமிடப்பட்டது), அணுகுவதற்கான நிபந்தனைகளைக் குறிப்பிடவேண்டும். இது, ஒவ்வொரு சந்திப்பும் நீடிக்கும் மணி நேரங்கள், ஒரு வாரத்தில் எத்தனை சந்திப்புக்கள், கட்டுப்பாடுகள், மற்றும் சந்திப்புக்களில் கலந்துகொள்ளக்கூடிய தனிநபர்களின் பெயர்கள் என்பனவற்றை உட்படுத்தும்.

  • பராமரிப்பு மற்றும் அணுகுதல் தொடர்பான உறுதிமொழிப்பத்திரம் (பெற்றோர் இருவரையும் பிரதிநிதித்துவம் செய்யும் நீதிமன்றக் கோப்பிலிருந்து), ஏதேனும் சமூக சேவை மதிப்பீடுகள் மற்றும்/அல்லது இரண்டில் ஒரு பெற்றோரை உட்படுத்தும் மனநோய் அறிக்கைகள், பிணை ஆணையின் ஒரு பிரதி, நன்னடத்தை ஆணை மற்றும்/அல்லது பொருந்துமாயின், தடுப்பு ஆணை என்பனவற்றின் பிரதிகளும் எமக்குத் தேவைப்படும்.

  • எழுத்துவடிவிலான பரிந்துரை, முழுப் பெயர்கள், விலாசங்கள், பெற்றோர் இருவரினதும் மற்றும் வழக்கறிஞர்களினதும் தொலைபேசி இலக்கங்கள், மற்றும் சம்பந்தப்பட்ட பிள்ளை(கள்) இன் முழுப் பெயர் மற்றும் பிறந்த திகதி என்பனவற்றைக் கொண்டிருக்கவேண்டும்.

  • முதலில் வருபவருக்கு முன்னுரிமை என்ற அடிப்படையில் எல்லாப் பரிந்துரைகளும் ஏற்றுக்கொள்ளப்படும். இடவசதி கிடைக்காவிட்டால், நீங்கள் காத்திருப்போர் பட்டியலில் வைக்கப்படுவீர்கள். இடவசதி கிடைத்தவுடன் தொடர்புகொள்ளப்படுவீர்கள்.


கேஸை நிராகரித்தல்
Declining Cases

பின்வருவனவற்றுள் ஏதாவது நிகழ்ந்தால், சந்திப்புக்களை நிராகரிக்க அல்லது மறுக்க, ரத்து செய்ய அல்லது நிறுத்திவிட எமது மையங்களுக்கு உரிமை ஒதுக்கி வைக்கப்பட்டிருக்கிறது:

  • தேவைப்படும் தனிப்பட்ட தகவல்களைப் பெற்றோர் கொடுக்கவில்லை அல்லது தேவையான ஆவணங்களில் கையொப்பமிடவில்லையென்றால்.

  • பிள்ளைகள் அரசின் பொறுப்பில் (கிரவுண் வோர்ட்) இருக்கும்போது.

  • எம்மால் சமாளிக்க முடியாத பாதுகாப்புத் தொடர்பான அபாயங்கள் இருக்கின்றன என நாங்கள் முடிவு செய்யும்போது.

  • சேவை ஒப்பந்தத்தில் ஒரு அத்துமீறல்.

  • பெற்றோர்கள் தங்கள் சொந்தக் காரணங்களுக்காக எங்கள் சேவைகளிலிருந்து வாபஸ் பெற்றுக்கொள்ளத் தீர்மானித்தல்
  • சந்திக்கும் பெற்றோர் தொடர்ச்சியாக மூன்று சந்திப்புகளைத் தவற விட்டால் அல்லது சந்திப்புக்களைத் தவறவிடும் வழக்கம் தோன்றினால்.

  • ஒரு பெற்றார் தங்கள் சந்திப்பு அல்லது பரிமாற்றத்துக்குத் தாமதமாக வருதல்.

  • சந்திக்கும் பெற்றார் மதுபானம் அல்லது வேறு வஸ்துகளின் தாக்கத்தின் கீழ் வருதல்.

  • பிள்ளைகளின் உதவிச் சங்கம் (சில்றன்ஸ் எயிட் சொசைட்டி) இவ்விடயத்தில் ஈடுபடும்போது.

 
மொழிபெயர்ப்புச் சேவைகள்
Interpretation Services

எங்கள் மேற்பார்வையுடனான அணுகக்கூடிய சேவை, மூன்று சந்திப்புகள் அல்லது பரிமாற்றங்களுக்கு தொழில்ரீதியாகத் திறமைபெற்ற ஒரு மொழிபெயர்ப்பாளரை வழங்கும். ஆனால் மேலதிக சந்திப்புகள் அல்லது பரிமாற்றங்களுக்கு மொழிபெயர்ப்பாளர்களுக்கு எங்களால் கட்டணம் கொடுக்க முடியாது. மேலதிக சந்திப்புகள் அல்லது பரிமாற்றங்களுக்கு மொழிபெயர்ப்பாளருக்கான கட்டணத்தைப் பெற்றோரில் ஒருவர் செலுத்தவேண்டும்.

உபயோகப்படுத்தப்படும் மொழி ஆங்கிலமானால் அல்லது தொழில்ரீதியாகத் திறமை பெற்ற ஒரு மொழிபெயர்ப்பாளர் அங்கிருந்தால் மட்டுமே எங்களால் சந்திப்புக்களை அல்லது பரிமாற்றங்களை மேற்பார்வை செய்யமுடியும்.


 

மேற்பார்வையுடனான அணுகக்கூடிய சேவைகளுக்கான (Supervised Access Services) கட்டணங்கள்
Supervised Access Services Fees


பொருந்தக்கூடிய கட்டணங்கள் பின்வருமாறு:

  • ஒரு வருட நிர்வாகக் கட்டணம் பெற்றார் ஒருவருக்கு $50

  • ஒரு சந்திப்பு, அல்லது ஒரு பரிமாற்றத்துக்கு கட்டணம் $25

நீதிமன்ற ஆணை வேறுவிதமாக குறிப்பிட்டிருந்தாலோ அல்லது பெற்றோர்கள் எழுத்து வடிவில் இணக்கம் தெரிவித்திருந்தாலோ அன்றி, ஒவ்வொரு பெற்றோரும் வருடாந்த நிர்வாகக் கட்டணம் $50 ஐ செலுத்தும்படி கேட்கப்படுகிறார்கள்.

கட்டணங்கள் பணமாக, சான்றளிக்கப்பட்ட காசோலையாக அல்லது கனடாவுக்கான சோஷல் என்டப்பிரைஸ், சுப்பர்வைஸ்ட் அக்ஸஸ் சர்விஸஸ் என்ற பெயரில் எடுக்கப்பட்ட மணியாடராகச் செலுத்தப்படலாம்.


கட்டணத்தை தள்ளுபடி செய்தல் அல்லது குறைத்தல்:

பெற்றார் ஒருவருக்கு குறைவான வருமானம் இருந்தால் அல்லது வருமானமே இல்லாவிட்டால், எழுத்து வடிவிலான வேண்டுகோள் மற்றும் அதை உறுதிப்படுத்தும் ஆவணங்கள் சமர்ப்பிக்கப்பட்டால் நாங்கள் கட்டணத்தைத் தள்ளுபடி செய்யவோ அல்லது குறைக்கவோ கூடும்.